საინფორმაციო სააგენტო “ტაიმერის” დამფუძნებელი, ჟურნალისტი ბერდია კალანდია სოციალურ ქსელში პოსტს აქვეყნებს.
“რატომ ვართ ბოროტები და რატომ ვითხოვთ ხვიჩა კვარაცხელიას კოცონზე დაწვას.
რაც კარგები კი არა, რაც ცუდები ვართ, ქართველები ვართ! დიახ, ეს სიმართლეა და ახლა, გულზე მჯიღის ცემა არ დაიწყოთ, ჩვენისთანა ერი დუნიაზე არ არისო. ისე, მართლები ხართ – ჩვენისთანა შურიანი, ბოროტი და გულღრძო ერი, მართლაც, არ არსებობს, თან რაც ყველაზე მნიშვნელოვანია – ამ ღვარძლს, შურსა და ბოროტებას უცხოს კი არა, საკუთარი სისხლისა და ხორცის მიმართ ვანთხევთ!
აი, რაღა შორს წავიდეთ – ხვიჩა კვარაცხელიას წინააღმდეგ ყველა, „ნაცი“ იქნება, „ქოცი“, ლიბერალი თუ კონსერვატორი, ერთხმად დაირაზმა და ამ ბიჭს ისეთი პირით აკრიტიკებენ, თითქოს ხვიჩამ რამე დააშავა!
ხვიჩას „დანაშაული“, ამ ფონზე, შეიძლება, მხოლოდ ის არის, რომ ქართველად დაიბადა.
ჰო, ხვიჩა კვარაცხელია ჩვენი ღირსი არ არის. ახლა, გინდ გეწყნოთ და გინდ „გაგიტყდეთ“, ფაქტია: ხვიჩას წარმატებას არ ვპატიობთ და ათას სიბინძურეს ვუგონებთ! არადა, კვარაცხელია ყველაფერს აკეთებს, რომ საკუთარი სამშობლოს, მინიმუმ პოპლარიზაცია გასწიოს: ჯერ ერთი, ხვიჩას წყალობით, საქართველოს არსებობას მსოფლიოში ისიც გაიგებს, ვინც აქამდე არ იცოდა და მეორეც, კვარაცხელია საქართველოს, ასე ვთქვათ, ატრიბუტიკას არასოდეს იცილებს და ყველას აჩვენებს, რომ ქართველია!
ქართველები კი, როგროც აღვნიშნე, უმადურები და ბოროტები ვართ , თან ისეთ ბოროტები, მზად ვართ, წარმატებული ახალგაზრდა ხვიჩა კვარაცხელია კოცონზე დავწვათ ან ცოცხლად დავმარხოთ!
ეჰ, ჩვენ რა გვეშველება, თორემ ხვიჩა ფეხბურთის კიდევ უფრ დიდ მწვერვალებს დაიპყრობს და პატრიოტიზმსაც ვერავინ წაართმევს!”