ჩემს ხელთ არსებული ინფორმაციით, მხოლოდ კიევში, საწამებელი კამერების რიცხვი სულ მცირე 15-ია. ასეთი ადგილები მოწყობილია უკრაინის სხვა ქალაქებშიც. ჩვენ ამ მისამართებს ადგილობრივი მოსახლეობა გვაწვდის. უნდა ითქვას, რომ უკრაინაში ადამიანთა წამება მთელი ქვეყნის მასშტაბით მიმდინარეობს, – განაცხადა გადაცემაში „იმედის კვირა“ უკრაინელმა ჟურნალისტმა დიანა პანჩენკომ, კიევთან ახლოს აღმოჩენილ სახლზე საუბრისას, სადაც სავარაუდოდ, უკრაინელ ჯარისკაცებს აწამებდნენ.
მისივე თქმით, უკრაინაში ადამიანს საკუთარი სიცოცხლე აღარ ეკუთვნის და შექმნილია ადამიანთა წამების სისტემა, რომელიც ადამიანებით ვაჭრობს.
ჟურნალისტი ასევე საუბრობს ადამიანების ქუჩაში დაჭერის და ფრონტის ხაზზე ძალით წაყვანის ფაქტებზეც.
„სქემა შემდეგია – ადამიანებს ქუჩაში იჭერენ, ბოლო დროს მოქალაქეებს პირდაპირ საკუთარი სახლიდან იტაცებენ. მაგალითად ხარკოვში, ღამით ცაში დრონებს უშვებენ და ეძებენ მამაკაცებს კორპუსების ფანჯრებში, დაჭერილ მოქალაქეებს აგზავნიან ე.წ. გამანაწილებელ პუნქტებში, რომელიც სარდაფებშია მოწყობილი.
იმ მოქალაქეებს, რომლებიც სხვადასხვა მიზეზით უარს ამბობენ ფრონტზე წასვლაზე, მათ შორის შშმ პირებს, ავადმყოფებს და ჯანმრთელობის სხვა პრობლემების მქონე ადამიანებს კი, სწორედ ამ საწამებელ კამერებში ყრიან, სცემენ, აწამებენ და ოჯახებს გამოსასყიდს სთხოვენ“, – აღნიშნა დიანა პანჩენკომ.