თვითმფრინავი, რომელიც ერევნიდან ასტრახანში მიფრინავდა, ჩამოვარდა და ცეცხლი გაუჩნდა. ბორტზე ორი პილოტი იმყოფებოდა, ორივე რუსეთის მოქალაქე და ორივე ადგილზე დაიღუპა.
მედიის ინფორმაციით, ავიაკატასტროფა სომხეთის კოტაიკის რაიონის სოფელ ჯრაბერთან მოხდა. საგანგებო სიტუაციების სამინისტროს ცნობით, ადგილობრივი დროით 14:20 საათზე, ჩამოვარდა მსუბუქი ორძრავიანი თვითმფრინავი B55.
შემთხვევის ადგილზე მაშველები და სასწრაფო დახმარების ბრიგადები მივიდნენ, თუმცა მათ პილოტები უკვე გარდაცვლილი დახვდათ.
მეხანძრეებს ცეცხლის ჩასაქრობად დაახლოებით 20 წუთი დასჭირდათ.
კომენტარები