ბატონი ყარალაშვილი სააკაშვილმა შეიწყალა. მას 11 წლით ჰქონდა პატიმრობა მისჯილი. რა თქმა უნდა ყველასთვის გასაგებია, პოლიტიკურად ვის მხარეს იქნება ის და ვის ნარატივსაც ახორციელებს, ესეც გასაგებია, – განაცხადა მოძრაობა „ხალხის ძალის“ ერთ-ერთმა ლიდერმა გურამ მაჭარაშვილმა, რითაც გამოეხმაურა „ნაცმოძრაობის“ აქტივისტის, ნოდარ ყარალაშვილის მუქარის შემცველ ვიდეომიმართვას.
„პირდაპირ თქვა, რომ აპირებს აფხაზეთიდან ტანკებით შემოსვლას. აფხაზეთში რომელი ქვეყნის ჯარები დგას, ეს ყველამ კარგად ვიცით და რომელი ჯარებით და ტანკებით აპირებს შემოსვლას, უკვე გასაგებია. თან ჩვენ გვეძახიან რუსეთუმეებს და თურმე ეს ქართველი სამხედროები, რომლებიც უკრაინაში იბრძვიან, აპირებენ აფხაზეთიდან საქართველოში შემოსვლას რუსეთის ტანკებით და ამავდროულად ამუნათებენ კახელებს, საქართველოს საზოგადოებას. ეს არ არის მხოლოდ მათი სიტყვები. ეს დასტურია იმისა, რომ სააკაშვილი, რადიკალური ოპოზიცია, მათი პატრონები, იგივე კონგრესმენი კიზინგერი, რომელმაც მოუწოდა ქართველ სამხედროებს, რომლებიც უკრაინაში იბრძვიან, რომ მიეხედათ საქართველოს მთავრობისთვის. ეს ამის გამოძახილია ზუსტად“, – აცხადებს მაჭარაშვილი.
უკრაინაში მებრძოლმა „ნაციონალური მოძრაობის“ აქტივისტმა ნოდარ ყარალაშვილმა სოციალურ ქსელში ვიდეო გაავრცელა, რომელშიც საქართველოში ტანკებით შემოსვლით იმუქრება.