ლამის 2 წლის განმავლობაში ვხედავთ, რომ ოპოზიციის მარგი ქმედების კოეფიციენტი ამარმცთუ ნულის ტოლია, არამედ მინუსებშიც გადადის, რადგან ისინი ხელს უშლიან ძალიან ბევრ რამეს, – ამის შესახებ საპარლამენტო უმრავლესობოის წევრმა გიორგი ხელაშვილმა განაცხადა.
„ასე რომ, ჩვენ მოველით, რომ გაგრძელდება ის, რაც აქამდე იყო – დესტრუქცია, უმიზნო ყვირილი, ყველაფერში ხელის შეშლა. ვინაიდან ვერ მოხერხდა დეპოლარიზაციის მიღწევა რადიკალური ოპოზიციის პარლამენტში ყოფნით, მართალი გითხრათ მე მათი პარლამენტში ყოფნის აზრს უკვე ვეღარ ვხედავ“, – აღნიშნა ხელაშვილმა.
დეპუტატები საგაზაფხულო სესიისთვის ემზადებიან. პირველი სხდომა 7 თებერვალს გაიმართება. დღის წესრიგშია ევროპული რეკომენდაციების შესრულების პროცესის დასრულება, „ხალხის ძალის“ მიერ ინიცირებულ კანონპროექტებზე მსჯელობა და სახელმწიფო უწყებების ანგარიშების განხილვა. ამ ფონზე ოპოზიციის ნაწილი კვლავ ქუჩის აქციების ემზადება. საპროტესტო გამოსვლები უკვე დააანონსა „სტრატეგია აღმაშენებელმა“.