კახა კალაძემ „ნაციონალურ მოძრაობაში“ მიმდინარე მოვლენები შეაფასა. „ქართული ოცნების“ გენერალური მდივნის თქმით, ნიკა მელიას თავმჯდომარის თანამდებობიდან გასაძევებლად ყველაფერი კეთდება.
„ყველაფერი სააშკარაოზეა. ვხედავთ, რაც ხდება „ნაციონალურ მოძრაობაში“, როგორი დაპირისპირებაა. ერთი, რაც აკლიათ, არის, რომ ფიზიკურად დაუპირისპირდნენ ერთმანეთს, თორემ სხვას არაფერს აკლებენ. დაველოდოთ, როგორ განვითარდება მოვლენები. იცით, რომ ყველაფერი კეთდება იმისთვის, მელია გააძევონ თანამდებობიდან, ვნახოთ, როგორ განვითარდება მოვლენები. ამის შემდეგ გაირკვევა, რა მოხდება ამ პარტიაში. თუმცა, ცხადია, ასეთი დაპირისპირების ფონზე შეუძლებელია, შენარჩუნებული იყოს ერთსულოვნება“, – განაცხადა კალაძემ.
კომენტარები