საქართველოს უსაფრთხოებასა და კეთილდღეობას თავისი წვლილი შეაქვს გლობალურ სტაბილურობაში, – ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ “ტვიტერში” წერს.
მთავრობის მეთაური აღნიშნავს, რომ მსოფლიო ეკონომიკური ფორუმის თემატურ დისკუსიაში სტრატეგიული პარტნიორების წინაშე ურყევი მხარდაჭერა გამოხატა.
“მერგო პატივი, მონაწილეობა მიმეღო ევრაზიის შუა დერეფნის შესახებ მსოფლიო ეკონომიკური ფორუმის თემატურ დისკუსიაში. ურყევი მხარდაჭერა გამოვხატე სტრატეგიული პარტნიორების წინაშე. საქართველო ბუნებრივად არის დასავლეთისა და აღმოსავლეთის დამაკავშირებელი ხიდი. საქართველოს უსაფრთხოებასა და კეთილდღეობას თავისი წვლილი შეაქვს გლობალურ სტაბილურობაში.
ჩვენი ურყევი მიზანია სამხრეთ კავკასიის განვითარება და ისეთ რეგიონად წარმოჩენა, რომელსაც უსაზღვრო შესაძლებლობები აქვს. ჩვენი საბოლოო მიზანია ჩვენი მოქალაქეების ყოფის გაუმჯობესება და მომავალი თაობებისთვის აყვავებული მომავლის უზრუნველყოფა,”- აღნიშნავს ირაკლი ღარიბაშვილი.
Honored to participate in @wef panel on Eurasia’s Middle Corridor. Expressed our unwavering support to strategic partners. Georgia is a natural bridge connecting west and east. Security and prosperity of 🇬🇪 contributes to global stability 🇬🇪. pic.twitter.com/fKPquILh6o
— Irakli Garibashvili (@GharibashviliGe) January 19, 2023