ენმ-ს თავმჯდომარეობის კანდიდატი ლევან ხაბეიშვილი წალენჯიხაში ამომრჩევლებსა და ნაციონალური მოძრაობის წარმომადგენლებს ხვდება. შიდაპარტიულ არჩევნებამდე 1 კვირით ადრე, ხაბეიშვილი მოქმედ თავმჯდომარეს კიდევ ერთხელ აკრიტიკებს და მას უმოქმედობაში ადანაშაულებს:
“წალენჯიხაში ვხვდებით ადგილობრივებს, მათ შორის ნაციონალური მოძრაობის ამომრჩევლებს, იმ ადამიანებს, ვისზეც დგას ნაციონალური მოძრაობა წალენჯიხაში, ასევე შევხვდი მერს, ვისთან ერთადაც დავათვალიერეთ ინფრასტრუქტურული პროექტები…ჩვენ ვემზადებით ნაციონალურ მოძრაობაში ცვლილებებისთვის. იმისთვის, რომ საბოლო ჯამში დავამარცხოთ რუსი ოლიგარქი…
პარტიის ჯერ კიდევ მოქმედ თავმჯდომარეს, დიდი ხანია საღათას ძილით სძინავს. ამიტომ, ის რომ არ აქტიურობს, მე არ მიკვირს. ის არც 2022 წელს ხვდებოდა ამომრჩეველს, არც პარტიის გაძლიერებაზე ფიქრობდა, არც მოქმედებაზე. 63 რაიონიდან 50-ზე მეტი მას მხარს არ უჭერს” აცხადებს ლევან ხაბეიშვილი.
ენმ-ს თავმჯდომარის არჩევნები 28-29 იანვარს იმართება, იქამდე კი მიმდინარეობს ამომრჩევლების რეგისტრაცია. ენმ-ს ინფორმაციითმ, ონლაინ პლატფორმაზე უკვე დარეგისტრირდა 27 000-მდე ამომრჩეველი.