უბრალოდ მეღიმება იმასთან დაკავშირებით, რომ სამწუხაროდ, განცხადებებს და ლოზუნგებს არაფერი მოჰყვება ხოლმე, – ასე გამოეხმაურა „ნაციონალური მოძრაობის“ წევრი ბაჩო დოლიძე პარტიის თავმჯდომარეობის კანდიდატის ლევან ხაბეიშვილის განცხადებას იმის შესახებ, რომ თუ საჭიროა საქართველოს ექსპრეზიდენტს, მიხეილ სააკაშვილს ფიზიკურად გამოიხსნიან.
„რაღაცნაირად ემსგავსება ეს ყველაფერი უფრო სადღეგრძელოებს და ლოზუნგებს. დანარჩენი განმარტებები მოსთხოვეთ თვითონ ავტორებს. უბრალოდ მეღიმება იმასთან დაკავშირებით, რომ სამწუხაროდ, განცხადებებს და ლოზუნგებს არაფერი აღარ მოჰყვება ხოლმე და როგორც წესი, განცხადება განცხადებისთვის კეთდება. ჩემი გადმოსახედიდან პოპულისტური განცხადებებია ეს ყველაფერი, რადგან ერთია განაცხადო და მეორე – ვინ რას და როგორ აკეთებს. მე ჯერ არ დამინახავს ალტერნატიული გზები“, – აღნიშნა ბაჩო დოლიძემ.
„ერთიანი ნაციონალური მოძრაობის“ თავმჯდომარეობის კანდიდატი ლევან ხაბეიშვილი აცხადებს, რომ თუ საჭირო გახდა, მიხეილ სააკაშვილს ფიზიკურად გამოიხსნის.