“კასიანოვის განცხადება არის სამარცხვინო და მიმართულია იქითკენ, რომ როგორმე საქართველო ჩაერთოს ომში”

კასიანოვის განცხადება მიმართულია იქითკენ, რომ როგორმე საქართველო და ქართველი ხალხი ჩაერთოს ომში, – ამის შესახებ ვიცე-პრემიერმა თეა წულუკიანმა განაცხადა.

„კასიანოვის განცხადება არის არამეგობრული, ვიტყოდი, რომ სამარცხვინო. ეს არის მიმართული იქითკენ, რომ როგორმე საქართველო და ქართველი ხალხი ჩაერთოს ომში. მისთვის სავალდებულოდ საინტერესოა საქართველოს უახლესი ისტორია – ყველა ელჩმა, რომელიც აქ მოდის, უნდა იცოდეს. სადღეღამისო რეჟიმში მუშაობს საქართველოს მთავრობა, პრემიერ-მინისტრის ხელმძღვანელობით და მთელი პოლიტიკური ხელისუფლება იმისთვის, რომ ხალხს ეძინოს მშვიდად“, – აღნიშნა წულუკიანმა.

საქართველოში უკრაინის დროებითი რწმუნებული ანდრეი კასიანოვი საქართველოდან უკრაინის მოქალაქეების ევაკუაციის შესაძლებლობას არ გამორიცხავს, თუ მათ საქართველოსა და რუსეთს შორის პირდაპირი ფრენების აღდგენისა და „რუსების მასობრივად შემოდინების“ შემთხვევაში, საფრთხე დაემუქრებათ.