უკრაინელ ხალხს ვუსურვებ გამარჯვებასა და ღირსეულ ხელისუფლებას, – ამის შესახებ საპარლამენტო უმრავლესობის წევრმა, ირაკლი ზარქუამ უკრაინის პრეზიდენტის, ვოლოდიმირ ზელენსკიზე საუბრისას განაცხადა.
იგი ზელენსკის მიერ მიხეილ სააკაშვილის მდგომარეობასთან დაკავშირებით გამოქვეყნებულ პოსტს გამოეხმაურა.
„ვურჩევდი ევროპარლამენტარებს, განსაკუთრებით EPP-ის წევრებს, თავი გაანებონ ჩვენს ქვეყანას. უკრაინის პრეზიდენტს სცალია იმისთვის, რომ ბრიფინგებზე ფოტოებით იაროს და პრესკონფერენცია ატაროს – ძალიან უცნაურია. ტერიტორიას კარგავს, უამრავი ადამიანი ეღუპება, რუსეთი, რომელიც ოკუპანტია, მათ შორის ჩვენთვის და საერთო მტერია, უტევს და ამ დროს ის იცლის, რომ სურათებით იაროს პატიმარ სააკაშვილის, რომელსაც ევროპულმა სასამართლომ მიუსაჯა ის, სადაც ახლა ზის, ჩემთვის ეს გაუგებარია. უკრაინელ ხალხს ვუსურვებ გამარჯვებასა და ღირსეულ ხელისუფლებას“„, – განაცხადა ზარქუამ.
უკრაინის პრეზიდენტის, ვოლოდიმირ ზელენსკის პოსტს მიხეილ სააკაშვილზე, სოციალურ ქსელ „ტვიტერში” საქართველოს მოქალაქეების ნაწილის პროტესტი მოჰყვა.