სამწუხაროა, რომ ყოფილმა პრეზიდენტმა დიდი ხანია სამშობლოზე უარი თქვა და ახლა ცდილობს ჩვენი სამშობლოს იმიჯის დაზიანებას და იმ სტრატეგიული მიზნისთვის ხელის შეშლას, რასაც ევროკავშირში ინტეგრაცია ჰქვია, – ამის შესახებ მაკა ბოჭორიშვილმა „ქრონიკაში“ განაცხადა.
ევროპასთან ინტეგრაციის კომიტეტის თავმჯდომარე მიხეილ სააკაშვილის და მისი გუნდის მიერ ექსპრეზიდენტის საზღვარგარეთ გაყვანის საქართველოს ევროინტგრაციასთან დაკავშირების მცდელობაზე საუბრობს.
„ეს საკითხი – თითქოს ჰუმანიტარული მიზნით მისი საქართველოდან გაყვანის მცდელობა, ახალი თემა არ არის, მისი დაპატიმრებიდან ახლო პერიოდში მოხვდა ჩემს ყურს. შესაბამისად, სავარაუდოდ ეს გეგმა ძალიან დიდი ხანია მუშავდება და მცდელობაა მოვიდეს სისრულეში. ამისთვის საჭიროა, რომ რეალურად არსებობდეს ამ ჰუმანიტარული მისიის საფუძველი, ანუ ადამიანის ცუდად ყოფნა. სწორედ ამ რაელიზებასთან გვაქვს ახლა საქმე, მათ შორის ხდება სააკაშვილის მიერ საკუთარი ჯანმრთელობის დაზიანება. ჩვენ ვხედავთ მცდელობას, ეს საკითხი მაქსიმალურად იყოს გამოყენებული ისეთ ჭრილში, თითქოს ეს საქართველოს ევროკავშირში წინსვლის წინაპირობა. ვხედავთ განცხადებებს, რომ თუ რამე დაემართა ამ ადამიანს, ეს იქნება გამყოფი ხაზი საქართველოს ევროკავშირში ინტეგრაციისთვის. მიზანი არის ეს“, – განაცხადა ბოჭორიშვილმა.