თამარ ჩერგოლეიშვილი „აჭარის ტელევიზიის“ ეთერში აცხადებს, რომ ბიძინა ივანიშვილის ალტერნატივად „ნაციონალური მოძრაობა“ და „დროა“-„გირჩი მეტი თავისუფლება“-„სტრატეგია აღმაშენებლის“ სამეული ხალხს სრულ „ბალაგანს“ ახვედრებს.
„ჩვენ გვჭირდება გონივრული მოქმედება და ამ დროს რა გვესმის, „ნაციონალური მოძრაობის“ ახალგამომცხვარი ლიდერები და სააკაშვილის პირადი სპიკერები, ეს ჩალაძე, შტაბების უფროსად რომ დანიშნეს, რომელსაც მერე არ ხსნიან, შტაბებს რომ ხსნიან ოფისების პრობლემა ჰქონდათ და ამიტომ ვერ ათავისუფლებდნენ მიშას? ყველა ქალაქში ოფისი აქვს „ნაცმოძრაობას“. ხომ ხვდებით რას ვიძახი, ცუდ მოცეკვავეს ცეკვაში ხელს კვერცხები უშლიდაო – დაახლოებით ასეთ რამეებს ლაპარაკობენ. მე არ ვიცი ვის ატყუებენ… არსებობს რაღაც რაოდენობის ხალხი, რომელიც ყველაფერს დაიჯერებს ხალხი, რაც არ უნდა თქვას პოლიტიკოსმა, მაგრამ ეს ხალხი ხომ არაა საკმარისი ივანიშვილის დასამარცხებლად. იმისთვის, რომ ბიძინა ივანიშვილი დავამარცხოთ, პროცესში გონიერი ხალხის ჩართულობა გვჭირდება. იმიტომ, რომ გონიერ ხალხს აქვს რესურსი, მის გარშემო ხალხი დაარწმუნო. ცვლილებებისკენ ნაბიჯი გადადგიო ეუბნები და აქეთ მხარეს ახვედრებ ბალაგანს, რომელსაც შინაარსი არ აქვს. ხომ არის ნაცმოძრაობა, აქეთ არის სამეული, რომელმაც დიდი ოპოზიციური ერთობა გამოაცხადეს, მერე თქვეს, რომ ეს ერთობა 2024-სთვის გადაიდოო და მერე თქვეს საერთო სიები არ იქნებაო – ყველაფერს გატყუებენ!“, – აცხადებს ჩერგოლეიშვილი.