ან საინფორმაციო ვაკუუმშია ან ანალიზის უნარი არ აქვს, ობიექტურად გააკეთოს განცხადება, ვინ აკეთებს ჩვენს ქვეყანაში რუსულ საქმეს, – ასე აფასებს “ქართული ოცნების” ერთერთი ლიდერი, ირაკლი ზარქუა პრეზიდენტის განცხადებას, რომლის თანახმადაც ხელისუფლება რუსული ნარატივს ავრცელებს.
“ქალბატონი სალომე ან საინფორმაციო ვაკუუმშია ან ანალიზის უნარი არ აქვს, ობიექტურად გააკეთოს, ვინ აკეთებს ჩვენს ქვეყანაში რუსულ საქმეს. მე მას ვუსურვებდი, რომ კიდევ ერთხელ, გვერდში დაუდგეს მმართველ პარტიას. ჩვენმა ქვეყანამ დიდი ხანია, უკვე აირჩია ევროატლანტიკური გეზი და, ბუნებრივია, ეს არ არის რუსეთის ინტერესებში. ამაზე იყო საუბარი. ჩვენ კი არ ვატყუებთ ლამაზ-ლამაზი ინფორმაციებით, არამედ რეალობა რაც არის, რასაც, მათ შორის, ბრიტანული დაზვერვა, ამერიკული დაზვერვა, მათ შორის, თვითონ უკრაინული დაზვერვა ავრცელებს, სწორედ მასზე დაყრდნობით ვაკეთებთ, – ამბობს ზარქუა.