” წმინდა დავითი რჩეულია ღვთისაგან მეფედ, იგი იყო ცხვართა მწყემსი და ღმერთმა დაადგინა მეფედ ისრაელისა“

ქრისტეშობის მეორე დღეს ეწოდება კრება ყოვლადწმინდა ღვთისმშობლისა და ეს ღვთისმშობლის ნათესავების დღესასწაულია – ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში საკვირაო წირვის შემდეგ ბრძანა.
მისმა უწმინდესობამ მრევლს ქრისტეშობის დღესასწაული მიულოცა.
ამასთან, როგორც ილია მეორემ აღნიშნა, დღეს განსაკუთრებით ვდღესასწაულობთ დავით მეფის დღესასწაულს, რომელმაც დაწერა უკვდავი ფსალმუნები.
„ქრისტეშობის მეორე დღეს ეწოდება კრება ყოვლადწმინდა ღვთისმშობლისა და ეს ღვთისმშობლის ნათესავების დღესასწაულია. ჩვენ შევთხოვთ მათ, რომ მათი ლოცვით, მათი ვედრებით და მეოხებით მშვიდობა მოგვცეს უფალმა თავისი დიდი წყალობით. დღეს განსაკუთრებით ვდღესასწაულობთ დავით მეფის დღესასწაულს, რომელმაც დაწერა უკვდავი ფსალმუნები. წმინდა დავითი რჩეულია ღვთისაგან მეფედ, იგი იყო ცხვართა მწყემსი და ღმერთმა დაადგინა მეფედ ისრაელისა“, – ბრძანა პატრიარქმა.