მმართველი გუნდის წევრი მიხეილ სარჯველაძე “ხალხის ძალის” მიერ ინიცირებულ კანონპროექტთან დაკავშირებით “ნაციონალური მოძრაობის” წევრის, ხატია დეკანოიძის “ფეისბუქ” პოსტს ეხმაურება.
“რუსულად მოიხსენიებს ხატია დეკანოიძე იმ საკანონმდებლო ინიციატივას, რომელიც არის აბსოლუტური თარგმანი აშშ-ში მოქმედი საკანონმდებლო აქტისა. ლოგიკურად, ეს ლოგიკის ელემენტარული კანონია, ამ მსჯელობიდან რასაც ხატია დეკანოიძე გვთავაზობს გამოდის, რომ შეერთებულ შტატებში მოქმედებს რუსული საკანონმდებლო აქტი. ამაზე მეტი აბსურდი ძნელად წარმოსადგენია, მაგრამ ნიშანდობლივია ეს ყველაფერი იმიტომ, რომ ძალიან კარგად წარმოაჩენს თუ როგორი დამოკიდებულებებია დღეს ოპოზიციაში, როდესაც ცდილობენ, რომ ყველაზე ევროპული, სწორი, გამართული გადაწყვეტილებებიც კი, მარტო იმიტომ რომ პოლიტიკური მიკერძოება აქვთ ამ ადამიანებს, წარმოაჩინონ როგორც პრორუსული, როგორც უსწორო და ა.შ. მათთვის მნიშვნელოვანია, რომ რაღაც ფორმით შეცდომაში შეიყვანონ ამომრჩეველი და მოსახლეობა. ეს არის ყველაზე მეტად რაც გამოჩნდა, საყურადღებო, ხატია დეკანოიძის პოსტიდან”, – აცხადებს სარჯველაძე.
ცნობისთვის, ხატია დეკანოიძემ სოციალურ ქსელში დაწერა: “მუხლი 2, გ ქვეპუნქტი. “უცხოური ძალის აგენტად არ ითვლება პირი, რომელიც საქველმოქმედო საქმიანობას ეწევა”. ბიძინა გამორიცხეს..”.