ვინ ლობირებს მიხეილ სააკაშვილის გათავისუფლებას? კამპანიის მასშტაბი და მისი მონაწილეები „ხალხის ძალას“ კითხვებს უჩენს. ახალი ფრონტის გახსნა, თუ ძველი ომის დანაშაულის დაფარვის მცდელობა – რას ემსახურება მსჯავრდებულის მოკავშირების და ე.წ. პატრონების ასეთი მონდომება.
„ხალხის ძალის“ წევრის მიხეილ ყაველაშვილის განცხადებით, არსებობს მოსაზრება, რომ მიხეილ სააკაშვილმა 2008 წლის აგვისტოში გარკვეული ნაბიჯები კონკრეტული ძალების ზეწოლის შედეგად გადადგა.
„ჩანს, რომ სააკაშვილი მაშინ მარტო არ იყო და რასაც ჩვენ ვარქმევთ „გლობალური ომის პარტიას“, ეჭვი ჩნდება, რომ მაშინაც [2008 წელს] მსგავსი ზეწოლები იყო, რომ მას [სააკაშვილს] მსგავსი ნაბიჯები გადაედგა. სწორედ იქ არსებობს რაღაც თემები, რომელზეც შეიძლება არ უნდა, რომ ბოლომდე ისაუბროს სააკაშვილმა და ამაზეც მიდის მასთან დაკავშირებით „გათავისუფლების სპეცოპერაცია“, – აცხადებს ყაველაშვილი.