ეს დემარში ამბობს მხოლოდ ერთ რამეს, რომ საჭიროა ელჩებთან შეხვედრა და მათთან ერთად უფრო მეტად განხილვა იმ არგუმენტებისა და რეალობის, რაც სინამდვილეში პატიმრობაში მყოფ სააკაშვილთან დაკავშირებით არსებობს, – ამის შესახებ პარლამენტის ვიცე-სპიკერმა არჩილ თალაკვაძემ განაცხადა.
მისი თქმით, სჯერა, რომ უახლოეს დღეებში ასეთი შეხვედრა აუცილებლად შედგება.
„რაც შეეხება გადაყვანას, არაერთხელ გვითქვამს, რომ ყოველი იმ განცხადების უკან, რომელიც მის სამკურნალოდ გადაყვანაზე გვესმის, სინამდვილეში გათავისუფლების მიზანი დგას. მიზანია, რომ ის როგორმე გაარიდონ მართლმსაჯულებას, რომელიც სამართლიანმა სასამართლომ დაადგინა, მათ შორის სტრასბურგის სასამართლომ თავის გადაწყვეტილებაში აღნიშნა, რომ უხეშად დაირღვა კანონი და უმძიმეს დანაშაულებს ჰქონდა ადგილი“, – განაცხადა არჩილ თალაკვაძემ.