პარლამენტის თავმჯდომარის, შალვა პაპუაშვილის განცხადებით, დღეს მიხეილ სააკაშვილის და მისი ექიმების ინტერესები განსხვავდება და მსჯავრდებული ექსპრეზიდენტი არ თანამშრომლობს ექიმებთან.
„სამწუხაროდ, მიხეილ სააკაშვილი არ თანამშრომლობს ექიმებთან. ამას ექიმებიც აცხადებენ: მას და ექიმებს, მას და სახელმწიფოს აქვს სხვადასხვა ინტერესი. სახელმწიფოს, ექიმების და ჩვენი ინტერესია, რომ ის იყოს რაც შეიძლება ჯანმრთელი, რათა მოიხადოს თავისი 6-წლიანი სასჯელი. მისი ინტერესია, რომ იყოს რაც შეიძლება დაუძლურებული, რომ იქნებ რამენაირად გავიდეს ციხიდან. ეს არის უმარტივესი საკითხი“, – აცხადებს პაპუაშვილი.
საქართველოში ევროკავშირის ელჩის პაველ ჰერჩინსკის განცხადებით, შვედეთის ელჩთან ერთად, ევროკავშირის 27 წევრი ქვეყნის სახელით, მიხეილ სააკაშვილთან დაკავშირებით იუსტიციის მინისტრს დემარში გადასცა.