თბილისში, ნაძალადევის რაიონში, სანავარდოს ქუჩაზე მომხდარი ხანძარი ლიკვიდირებულია.
შს სამინისტროს საგანგებო სიტუაციების მართვის სააგენტოს განცხადებით, ცეცხლმა დაახლოებით 400 კვ.მ. ფართობის ტერიტორია გაანადგურა.
შემთხვევა დილის საათებში მოხდა. ხანძარი, სანავარდოს ქუჩაზე მდებარე ერთ-ერთ კერძო სახლში გაჩნდა, რის შედეგადაც ცეცხლი მიმდებარე საცხოვრებელ სახლებსაც გადაედო. შემთხვევის დროს არავინ დაშავებულა. შემთხვევის ადგილზე, 12 სახანძრო და ერთი სამაშველო ბრიგადა იმყოფებოდა.
კომენტარები