პრეზიდენტის სიძე, მინდია გოგოჭური და მისი მეგობარი მიხეილ თათრიშვილი რესპუბლიკურ საავადმყოფოს, სავარაუდოდ, დღეს ან ხვალ დატოვებენ.
როგორც საავადმყოფოში აცხადებენ, მინდია გოგოჭურის ჯანმრთელობის მდგომარეობა სტაბილურია.
„სავარაუდოდ, დღეს ან ხვალ მოხდება მისი გაწერა. ეს დამოკიდებულია გოგოჭურის მკურნალ ქირურგზე“, – აცხადებენ რესპუბლიკურ საავადმყოფოში.
გოგოჭურს და მის მეგობარს რამდენიმე დღის წინ, ბალანჩივაძის ქუჩაზე ცეცხლსასროლი იარაღით ჭრილობები მიაყენეს.
შსს-ს ინფორმაციით, გამოძიება სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
კომენტარები