ყოვლადწმინდა სამების საკათედრო ტაძარში საქართველოს კათალიკოს-პატრიარქმა, ილია მეორემ მრევლს შობა-ახალი წელი მიულოცა.
ილია მეორემ რამდენიმე სასულიერო პირი დააჯილდოვა და მაღალ სასულიერო ხარისხში აიყვანა. გარდა ამისა, პატრიარქმა დალოცა წმინდა ნინოს სახელობის საღვთისმეტყველო სასწავლებელი, რომელიც ილია მეორის კურთხევით 2010 წელს ახალქალაქისა და კუმურდოს ეპარქიაში დაარსდა.
პატრიარქმა მრევლს შეახსენა, რომ 18 იანვარს დიდი აიაზმის წესით წყლის კურთხევის დღეა.
”ეს წელიწადში ორჯერ ხდება. ნათლისღების წინა დღეს, ოთხშაბათს იქნება წირვა, ხოლო წირვის შემდეგ დიდი აიაზმის წესით წყლის კურთხევა. ოთხშაბათს საღამოს იქნება დიდი ლოცვა. ხოლო ხუთშაბათს არის ნათლისღების დღესასწაული და მეორე დიდი კურთხევა აიაზმისა”, – ბრძანა კათოლიკოს-პატრიარქმა.
კომენტარები