პრემიერ-მინისტრ ირაკლი ღარიბაშვილის განცხადებით, არ ესმის, 2008 წლის რუსეთ-საქართველოს ომის შემდეგ რატომ არ დაუწესეს რუსეთს სანქციები ევროპელმა პარტნიორებმა, ან თავად საქართველოს იმდროინდელმა ხელისუფლებამ.
„მთავარი გვავიწყდება ჩვენ და სამწუხაროდ არ მესმის, არც ეთერებში ისმის კითხვა. პირველი ვიყავით ჩვენ, 2008 წელს, როცა ომი მოხდა, უბედურება რუსეთთან. იყო მომაკვდინებელი, ძალიან მძიმე ომი. დავკარგეთ შედეგად კოდორი, ასზე მეტი სოფელი და ოკუპირებული არის ჩვენი ძირძველი ტერიტორიები. ვინმეს კითხვა უჩნდება, რატომ არ დაიწყეს ჩვენმა დასავლელმა პარტნიორებმა, ან ჩვენმა ხელისუფლებამ, სხვას რატომ უნდა მოვკითხოთ პასუხი, ხელისუფლებამ რატომ არ დაიწყო კამპანია სანქციების დაწესების, პოლიტიკის გადახედვის შესახებ?! ვინმეს რაიმე სანქციები დაუწესეს რუსეთში? – ნული!“, – განაცხადა ღარიბაშვილმა.