უცხოურ პრესაში არაერთხელ გამოქვეყნებულა, რომ ევროკავშირის ქვეყნები რუსეთთან ნავთობის შესყიდვას აგრძელებს, – ამის შესახებ ეკონომიკის ექსპერტმა, ლადო პაპავამ „ქრონიკაში“ განაცხადა.
„მაგალითად, ლატვიაში დაფიქსირდა ე.წ. ლატვიური ბრენდი, რომლის 51% არის რუსული ნედლი ნავთობი და ეს მიდის დიდი ბრიტანეთში. საინტერესო რამ ფიქსირდება ინდოეთთან. ინდოეთი რუსეთიდან ყიდულობს ნედლ ნავთობს, მისთვის რუსეთი უკვე დიდი ხანია სტრატეგიული პარტნიორია, შემდეგ გადაამუშავებს ნავთობ პროდუქტებად და ამ ნავთობპროდუქტებს როგორც ინდურს ყიდულობს აშშ, მაგრამ საფუძველი ხომ რუსული ნედლი ნავთობია. ამასთან დაკავშირებით საერთაშორისო მედიაში არაერთი ფაქტი ფიქსირდება. ერთია ოფიციალური სტატისტიკა, რომელიც აჩვენებს, რომ საქართველოს არაფერი განსაკუთრებული სავაჭრო ურთიერთობები რუსეთთან არ აქვს“, – აღნიშნა ლადო პაპავამ.