მიხეილ სააკაშვილი წასულიყო ქვეყნიდან და თუნდაც, ვითომ სამკურნალოდ – თავიდანვე ცხადი იყო, რომ ამ არგუმენტით ვერ მოიპოვებდნენ წარმატებას, – ამის შესახებ „გირჩის“ წევრმა, ალექსანდრე რაქვიაშვილმა განაცხადა, რითაც გამოეხმაურა მიხეილ სააკაშვილთან დაკავშირებით სტრასბურგის სასამართლოს გადაწყვეტილებას, რომლის თანახმად, მსჯავრდადებულ ექსპრეზიდენტს უარი ეთქვა ვარშავაში სამკურნალოდ გადაყვანაზე.
„დავაკვირდეთ, როგორ შეცვლიან, არ მგონია, რომ სტრასბურგის გადაწყვეტილების შემდეგ რამე სადაო დარჩეს; ცხადია, რომ არანაირი კრიტიკული სამედიცინო საჭიროება არ არსებობს და სხვაგვარად უნდა მოგვარდეს ეს პოლიტიკური პრობლემა“, – აცხადებს რაქვიაშვილი.
იუსტიციის მინისტრის, რატი ბრეგაძის განცხადებით, სტრასბურგის სასამართლომ უარი უთხრა მიხეილ სააკაშვილს ვარშავაში გადაყვანაზე და სახელმწიფოს არ დაავალა ქვეყნის შიგნით მისი სხვა სამკურნალო დაწესებულებაში გადაყვანა.