“მე მგონია, რომ ევროკავშირის ელჩმა ამ ქმედებით მორიგი შეცდომა დაუშვა. ამ ყველაფერს სავარაუდოდ, ერთი დირიჟორი ჰყავს”, – ამის შესახებ საპარლამენტო უმრავლესობის წევრმა, ირაკლი ზარქუამ რუსეთთან პირდაპირი ფრენების აღდგენის გამო, ევროკავშირის 27 ქვეყნის მიერ საქართველოს ხელისუფლებისთვის დემარშის გამოცხადებასთან დაკავშირებით განაცხადა.
მისივე თქმით, ამ ყველაფერს დირიჟორმა პირველი დემარშის დროს, რომელიც საქართველოს მესამე პრეზიდენტს ეხებოდა, დემარშის ავტორები სამარცხვინოდ წარმოაჩინა და მეორე დემარშის შემთხვევაშიც ანალოგიურად მოხდა.
“მე მგონია, რომ ევროკავშირის ელჩმა ამ ქმედებით მორიგი შეცდომა დაუშვა. იცით, რომ ეს დემარში ნომერი 2-ია. პირველს შეგახსენებთ, როდესაც სააკაშვილთან დაკავშირებით ხელი მოაწერინეს ელჩებს, არ ვიცი სავარაუდოდ, ერთი დირიჟორი ჰყავს ამ ქმედებებს და შემოატანინეს ეს განცხადება დემარშის, სადაც თურმე ეწერა, რომ სააკაშვილს ვწამლავთ, ხელისუფლება ცუდ პირობებში ამყოფებს და ექვემდებარება გადაყვანას უცხო ქვეყანაში. მერე სტრასბურგის სასამართლომ თქვა, რომ არც მოწამლული არისო და არა თუ ქვეყნიდან გაყვანას, არამედ კლინიკიდან კლინიკაში გადაყვანის საფუძველიც არ არსებობსო. ამით ის პირველი დემარში გააქარწყლა და თქვა, რომ “აზრზე მოდით, შეცდომაში ხართ შეყვანილი”.
რაც შეეხება მეორე დემარშს – შემოიტანეს განცხადება და მისი სულისკვეთება რა არის? ე.ი. ჩვენს მოქალაქეებს, რომლებიც რუსეთში ცხოვრობენ, მათ რომ მიეცათ შესაძლებლობა ვიზის გარეშე, დამატებითი ხარჯების გარეშე სამშობლოში დაბრუნდნენ, ჩვენ გვთხოვენ, რომ ჩვენს მოქალაქეებს სანქცია დავუწესოთ? ეს არის არსი? აბა, რუსეთის მოქალაქეები ისედაც შემოდიან. შემოდიან ლარსიდან, სომხეთიდან, აზერბაიჯანიდან, თურქეთიდან. პრობლემა რა არის? ვინც ჰყავს ამ ყველაფერს ერთი დირიჟორი, როგორც პირველ შემთხვევაში შეცდომაში შეიყვანა და სამარცხვინოდ წარმოაჩინა პირველი დემარშის ავტორები, ანალოგიურად გვაქვს საქმე მეორე დემარშთან მიმართებით. საფუძველი არ არსებობს”, – განაცხადა ზარქუამ.