საქართველომ ყველაფერი გააკეთა, რათა ჰქონდეს წინსვლა ევროკავშირთან დაახლოების მხრივ მიიღოს სტატუსი და არამხოლოდ სტატუსი, არამედ გაიხსნას მოლაპარეკაბ წევრობასთან დაკავშირებით, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
როგორც შალვა პაპუაშვილმა აღნიშნა, ახლა ბურთი არის ევროკავშირის მოედანზე, საქართველოს მხრიდან ყველაფერი გაკეთებულია.
„თუკი ავიღებთ და შევადარებთ ნებისმიერ კანდიდატ ქვეყანას და ამ მხრივ შევხედავთ საკითხს, რა თქმა უნდა, საქართველო არ არის მზად იმ დონეზე, რომ იყოს წევრი ევროკავშირის, მაგრამ ჩვენ ვსაუბრობთ ჯერჯერობით კანდიდატობაზე. თუ შევადარებთ სხვა კანდიდატ ქვეყნებს, საქართველო იმსახურებს, რომ იყოს ევროკავშირთან დაახლოების იმავე ეტაპზე, სადაც არის წევრობის კანდიდატი ქვეყნები, ახლა ბურთი არის ევროკავშირის მხარეს და ევროკავშირმა უნდა მიიღოს გადაწყვეტილება, თუ როგორ ხედავს მის საკუთარ მომავალს რეგიონში, როგორ ხედავს საკუთარ მომავალს საქართველოსთან მიმართებაში“, – განაცხადა პაპუაშვილმა.