გუშინ მქონდა შეხვედრა ჩვენს ევროპელ კოლეგებთან, მანამდეც მოლდოვაში ჩვენს კოლეგებთან მქონდა საუბარი, ყველასთან ხაზგასმით ვაცხადებ, რომ ჩვენი ხელისუფლების ამოცანა იყო და არის დღესაც, რომ ზედმიწევნით, პირნათლად შესრულდეს ხელისუფლების მხრიდან ყველა რეკომენდაცია, – ამის შესახებ პრემიერ-მინისტრმა, ირაკლი ღარიბაშვილმა განაცხადა.
პრემიერის თქმით, ივნისის ბოლომდე დასრულება ყველა პროცესი.
„შეგახსენებთ, ამ დესტრუქციულ, გაკოტრებულ ოპოზიციას არავითარი მონაწილეობა არ მიუღია იმ სამუშაო ჯგუფში, რომელიც ჩვენ შევქმენით, არავითარი. რჩება ერთადერთი, ეს არის პოლარიზაციის დასრულება, რომელზეც მე მაქვს ჩემი პოზიცია და რომელიც მე საჯაროდ ვთქვი, მათ შორის ამ საერთაშორისო პლატფორმებზე. ვთქვი, რომ თუ რეალურად ჩვენს ევროპელ მეგობრებს, კოლეგებს, ჩვენს ნამდვილ მეგობრებს სურთ პოლარიზაციის დასრულება, ან სულ მცირე მისი განახევრება და მინიმუმზე დაყვანა, შემცირება, უნდა მოგვცენ კანდიდატის სტატუსი, ეს არის ჩემი პოზიცია“, – განაცხადა ღარიბაშვილმა.