“ჩვენ გვჭირდება ისეთი პედაგოგები, რომლებიც სიმკაცრისა და დაძალების გარეშე შეძლებენ, რომ ბავშვებმა ისწავლონ”

მე თუ არ ვეყვარები ბავშვებს და მშობლებს, აღარ ვიქნები ამ თანამდებობაზე და თუ არც თქვენ – მასწავლებელი არ ეყვარებით მოსწავლეებს, აღარ იქნებით ამ თანამდებობაზე, – ამის შესახებ განათლებისა და მეცნიერების მინისტრმა, ალექსანდრე ჯეჯელავამ ბათუმში, პედაგოგებთან შეხვედრაზე განაცხადა.

ამავე შეხვედრაზე მინისტრმა აღნიშნა, რომ თუ ბავშვებს არ ეყვარებათ პედაგოგები, ისინი აღნიშნულ თანამდებობაზე აღარ დარჩებიან.

“ზედმეტი სიმკაცრე, მოთხოვნა აიძულებს მოსწავლეს სწავლას. როგორც ჩანს, არ მიიღეთ ეს მოსაზრება, თუმცა აუცილებლად წავალთ ამ მიმართულებით. ბავშვს თუ მასწავლებელი არ უყვარს, შანსი არ არის. ძალიან მომთხოვნი მასწავლებლები ვიცი, ტყავს რომ აძრობენ მოსწავლეებს, მაგრამ 35-ივე ამბობს, რომ უყვარს და მოსწონს ეს მასწავლებელი. ამიტომ თქვენი ამოცანაა, რომ ეს პრობლემა მოაგვაროთ. ჩვენ გვჭირდება ისეთი პედაგოგები, რომლებიც სიმკაცრისა და დაძალების გარეშე შეძლებენ, რომ ბავშვებმა ისწავლონ. მე თუ არ ვეყვარები ბავშვებს და მშობლებს, აღარ ვიქნები ამ თანამდებობაზე და თუ არც თქვენ – მასწავლებელი არ ეყვარებით მოსწავლეებს, აღარ იქნებით ამ თანამდებობაზე”,- განაცხადა ალექსანდრე ჯეჯელავამ.