მე ვუსურვებ უკრაინას ტერიტორიულ მთლიანობას, – ამის შესახებ საპარლამენტო უმრავლესობის ლიდერმა ირაკლი კობახიძემ ჟურნალისტებთან საუბრისას განაცხადა. „ქართული ოცნების“ თავმჯდომარემ აღნიშნა, რომ საქართველო უკრაინის დამოუკიდებლობის ინტერესს ყველა საერთაშორისო პლატფორმაზე დაიცავს.
„ჩვენ ვრჩებით უკრაინელი ხალხის, ამ ქვეყნის ერთგულნი, ბოლომდე დავიცავთ ამ ქვეყნის ინტერესებს. ჩვენ ვართ იმ იდეის ერთგული, რასაც ჰქვია უკრაინის ტერიტორიული მთლიანობა, უკრაინის დამოუკიდებლობა და ყველა საერთაშორისო პლატფორმაზე ბოლომდე დავიცავთ ამ ინტერესებს“, – განაცხადა კობახიძემ.
კომენტარები