გუშინდელი პერფორმანსი გამომდინარეობდა ელენე ხოშტარიას კომპლექსებიდან – ხოშტარიას რუბლების თემა რომ აწუხებს, მერე სხვებს აყრის რუბლებს, ოღონდ სხვისი ხელით, – ამის შესახებ ჟურნალისტებს „ქართული ოცნების“ აღმასრულებელმა მდივანმა, ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.
„ეს სქემა გაშიფრულია: გუშინდელი პერფორმანსი გამომდინარეობდა ელენე ხოშტარიას კომპლექსებიდან. ორი ადამიანი იყო ამის შემოქმედი: ერთი ქალბატონი და მისი თანხმლები პირი. ეს თანმხლები პირი რამდენიმე კვირის თუ დღის წინ იყო პარლამენტის წინ კარვის გაშლის ერთ-ერთი ორგანიზატორი და თუ არ ვცდები, ადმინისტრაციული წესითაც დააკავეს ვინმე ბეჟო. ეს ადამიანი ყოფილა ე.წ. აღშფოთებული სტუდენტი, რომელიც სხვებთან ერთად დახვდა რუბლებით ირაკლი კობახიძეს უნივერსიტეტში. ანუ, ერთი და იგივე ადამიანი სამივე შემთხვევაში ფიგურირებდა ბოლო ერთი-ორი კვირის განმავლობაში. ის დაკავშირებულია ელენე ხოშტარიასთან და „ფორმულასთან“. ხოშტარიას კომპლექსებზე მიდის პერფორმანსების დღის წესრიგის აგება. ხოშტარიას რუბლების თემა რომ აწუხებს, მერე სხვებს აყრის რუბლებს, ოღონდ სხვისი ხელით. იკრიბებიან რესტორან „ეზოში“ და იქ იდგმება ეს უნიჭო სცენარები და ძალიან მარტივად იშიფრება ყველაფერი“, – აღნიშნა მდინარაძემ.
პარლამენტის სასესიო დარბაზში 14 ივნისს ინციდენტი მოხდა. შეზღუდული შესაძლებლობის მქონე ერთ-ერთი ბავშვის მშობელმა სხდომის დროს დარბაზში რუსული რუბლები გადაყარა, რასაც დეპუტატებს შორის დაპირისპირება მოჰყვა