როდესაც ელენე ხოშტარია, რომელიც რუსეთის სახელმწიფო ბიუჯეტიდან იღებს რუსულ რუბლებს, პროვოკაციას უწყობს კონკრეტულ ჯგუფს, ეს არის ორმაგი სტანდარტი, არაეთიკური ქმედება, ამაზე ჰქონდა საუბარი სწორედ ზურაბ აბაშიძეს, – ამის შესახებ საპარლამენტო უმრავლესობის ლიდერმა, „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა.
მისი თქმით, ჟურნალისტებმა კითხვები უნდა დასვან იმასთან დაკავშირებით, თუ რატომ იღებს ელენე ხოშტარია რუსულ რუბლებს რუსეთის სახელმწიფო ბიუჯეტიდან.
„რა თქმა უნდა, თანამდებობიდან გათავისუფლებაზე არ შეიძლება იყოს საუბარი. თავის დროზე იყო კონკრეტული ინციდენტი, აბსოლუტურად მიუღებელი, რომელიც შეასრულა ხოშტარიამ, რომელიც რუსეთის სახელმწიფო ბიუჯეტიდან იღებს რუსულ რუბლებს. ამასთან დაკავშირებით ელემენტარულად, თავისი პოზიცია დააფიქსირა ზურაბ აბაშიძემ, რაც იყო აბსოლუტურად სწორი.
როდესაც ელენე ხოშტარია, რომელიც რუსეთის სახელმწიფო ბიუჯეტიდან იღებს რუსულ რუბლებს, პროვოკაციას უწყობს კონკრეტულ ჯგუფს, ეს არის ორმაგი სტანდარტი, არაეთიკური ქმედება და ასე შემდეგ – ამაზე ჰქონდა საუბარი ზურაბ აბაშიძეს. თქვენ კითხვები უნდა დასვათ იმასთან დაკავშირებით, თუ რატომ იღებს ელენე ხოშტარია რუსულ რუბლებს რუსეთის სახელმწიფო ბიუჯეტიდან და თან აწყობს პროვოკაციებს, ვითომდა ანტირუსული განწყობების საფუძველზე. თქვენ რომ არ გიხდებათ კითხვის დასმა ამასთან დაკავშირებით, არის ძალიან ცუდი. ვფიქრობ, ამაზე კითხვა ყველამ უნდა დაუსვას ელენე ხოშტარიას“, – განაცხადა კობახიძემ.