საქართველოსთვის კანდიდატის სტატუსის მინიჭებაზე ევროპელი ლიდერების მიერ ბოლო დღეებში გაკეთებული განცხადებები მაქსიმალურად დაბალანსებულია და ოპტიმიზმის საფუძველს იძლევა, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებს განუცხადა.
მისი თქმით, თუ რადიკალური ოპოზიცია რამდენიმე თვით თავს დაანებებს მავნებლობას, რასაც აკეთებს, კანდიდატის სტატუსს საქართველო გარანტირებულად მიიღებს.
„მაპატიეთ ასეთი ოპტიმისტობა, ასეთ შემთხვევაში არის შანსი, რომ ჩვენ კანდიდატის სტატუსი მივიღოთ, მიუხედავად იმისა, რომ გლობალური ომის პარტია და მისი აგენტურა საქართველოში ამის წინააღმდეგ იბრძვის. თუ ვერ მივიღებთ, ამის შედეგი იქნება. სხვა გამორიცხულია!
მე, როგორც ერთი ადამიანი, არა დეპუტატი, მოქალაქე, ლოგიკიდან გამომდინარე გარანტიას ვიძლევი, რომ ქართულმა ოპოზიციამ რამდენიმე თვით თავი დაანებოს იმ მავნებლობას, რასაც აკეთებს და კანდიდატის სტატუსს გარანტირებულად მივიღებთ. იცით, რატომ? თუ შეიქმნება რეალური აღქმა, რომ საქართველოში ეს რადიკალური მოძრობა ვერაფერს ახერხებს, არც რევოლუცია იქნება, ქაოსი და ომის გზამდე და გეგმამდე ვერ მივალთ, ანუ თუ ესენი გაჩერდებიან, ბუნებრივად, მავნებლური დუღილის ტემპერატურა დაიწევს. შესაბამისად, კანდიდატის სტატუსის მიღებაც გარანტირებული იქნება. თუმცა, ამას რომ არ გააკეთებენ, ხომ დარწმუნებული ხართ? რამდენიმე თვით შეწყვიტონ მავნებლობა, რასაც აკეთებენ რეკომენდაციებისა და კანდიდატის სტატუსის მიღების წინააღმდეგ და გაძლევთ გარანტიას, კანდიდატის სტატუსს მივიღებთ“, – განაცხადა მდინარაძემ.