“ნაციონალური მოძრაობის“ წევრი, ბაჩო დოლიძე აცხადებს, რომ ენმ-ის თავმჯდომარე ლევან ხაბეიშვილი გადაწყვეტილებებს დამოუკიდებლად ვერ იღებს.
„სამწუხაროდ, არსებული კონფიგურაცია, რომლის უკან მერაბიშვილ-კეზერაშვილია, არ იძლევა იმის საშუალებას, რომ დემოკრატიულად განვითარდეს პროცესი პარტიაში.
განსხვავებული აზრის გაზიარების შემდგომ ვიღებდით ხოლმე გადაწყვეტილებებს, ახლა, სამწუხაროდ, ამ ყველაფრის დეფიციტია. აქედან გამომდინარე, ჩვენ ამომრჩეველს გადამწყვეტი როლი ეკისრება ამ ყველაფერთან დაკავშირებით, თუ როგორ განვითარდება პარტიის ბედი.
ეს არის პრობლემა, რომ დღეს გვყავს თავმჯდომარე, რომელიც, სამწუხაროდ, დამოუკიდებლად გადაწყვეტილებებს ვერ იღებს და ვერ მიიღებს ამ მოცემულობაში, თუმცა, ამ ყველაფერს ჩვენ შევცვლით“, – აცხადებს ბაჩო დოლიძე.
კომენტარები