იმედი გვაქვს, რომ დღეს ჩვენი მიღწევები იქნება სათანადოდ შეფასებული, – ამის შესახებ „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ განაცხადა, რითაც ევროკომისიის შუალედური ანგარიშის შესახებ დასმულ კითხვას უპასუხა.
„ჩვენ ყველა პუნქტს პირნათლად ვასრულებთ. არის პუნქტები, რომლებიც უკავშირდება კანონმდებლობაში ცვლილებას და ყველა შესაბამისი პუნქტი სათანადოდ შესრულებულია ჩვენი მხრიდან. რაც შეეხება ისეთ პუნქტებს, რომლებიც არ უკავშირდება კანონების მიღებას, აქ მხოლოდ ჩვენზე არ არის დამოკიდებული მათი შესრულება. იგივე დეპოლარიზაციას მხოლოდ ჩვენ ვერ შევასრულებთ. აქედან გამომდინარე, ამ საკითხზე იქნება შესაბამისი შეფასებები. თუ სადმე იქნება კითხვები, მზად ვართ, ნებისმიერ კითხვას ვუპასუხოთ. თუ იქნება დამატებითი დახვეწის ინტერესი, აქაც მზად ვართ დისკუსიისთვის. იმედი გვაქვს, რომ დღეს ჩვენი მიღწევები იქნება სათანადოდ შეფასებული“, – აღნიშნა კობახიძემ.