სალომე ზურაბიშვილის მიერ ნიკა გვარამიას შეწყალება პოლიტიკოსების განხილვის თემაა – მმართველ გუნდში მიიჩნევენ, რომ უმჯობესი იქნებოდა, პრეზიდენტს გადაწყვეტილების მოტივზე ესაუბრა.
“ხალხის ძალის“ წევრი, ეკა სეფაშვილი ამბობს, რომ ზურაბიშვილის გადაწყვეტილება მისთვის მოულოდნელი არ ყოფილა.
“ქალბატონი პრეზიდენტის გადაწყვეტილება ნიკა გვარამიას გათავისუფლების შესახებ რომ გითხრათ, რომ მოულოდნელი იქნებოდა – არა, რადგან იყო მინიშნებები პრეზიდენტის მხრიდან, რომ ამას აპირებდა. ეს მისი დისკრეციული უფლებაა და ამაში ვეთანხმები, თუმცა ჩემი აზრით, კარგი იქნებოდა, თავისი მოტივების შესახებ ელაპარაკა, თუ რამ განაპირობა მისი ეს გადაწყვეტილება.
მანქანის გამოყენება არის პატარა დეტალი იმ დიდი ეკონომიკური დანაშაულისა, რომელიც მდგომარეობს იმაში, რომ მას შემდეგ რაც მან [ნიკა გვარამიამ] ნათლად გააცნობიერა, რომ ადრე თუ გვიან მოუწევდა “რუსთავი 2-ის” დათმობა, 7 მლნ ლარი მაქინაციური, თაღლითური გზით გადარიცხა იმ კომპანიაში, რომელიც მას ეკუთვნოდა, ანუ, ფაქტობრივად, გაძარცვა “რუსთავი 2″,” – ამბობს ეკა სეფაშვილი.