ოპოზიციონერი დეპუტატი ხატია დეკანოიძე ევროკომისიის მიერ საქართველოსთვის კანდიდატის სტატუსის მინიჭებასთან დაკავშირებით პოზიტიურ შედეგს ელოდება.
„ვფიქრობ, რომ პოლიტიკური ნება ამ შემთხვევაში „ქართულ ოცნებას“ არ აქვს. უფრო მეტიც, ისინი თვლიდნენ და თვლიან, რომ ყველა რეკომენდაცია არის შესრულებული. მე ვერ გეტყვი როგორი იქნება ევროკომისიის გადაწყვეტილება, მაგრამ შეიძლება იყოს პოზიტიური, მათ შორის გეოპოლიტიკური მდგომარეობიდან გამომდინარე“, – განაცხადა დეკანოიძემ.
22 ივნისს ევროკავშირის ევროპის საკითხთა მინისტრების არაფორმალური შეხვედრის შემდეგ ევროკომისარმა ოლივერ ვარჰეიმ ზეპირი ანგარიში წარადგინა.
როგორც ვარჰეიმ აღნიშნა, საქართველომ სრულად შეასრულა სამი რეკომენდაცია, კერძოდ – გენდერული თანასწორობისა და ქალთა მიმართ ძალადობა; ადამიანის უფლებათა ევროპული სასამართლოს გადაწყვეტილებების გათვალისწინება სასამართლო განხილვისას; სახალხო დამცველის გამჭვირვალე პროცესით დანიშვნა. ამასთან, ვარჰეის თქმით, კიდევ შვიდი რეკომენდაციის შესრულების მხრივ მიღწეულია გარკვეული პროგრესი.