სააკაშვილს არასოდეს უთქვამს, რომ საქართველოს მასშტაბის პოლიტიკოსია, მან თქვა, რომ აღმოსავლეთ ევროპის ვაშინგტონია, თავი ვაშინგტონად და მსოფლიო მოძრაობის ლიდერად შერაცხა, – ამის შესახებ პარლამენტის პირველი ვიცე-სპიკერმა, გია ვოლსკიმ საქართველოს პირველ არხს განუცხადა.
ვოლსკის თქმით, სააკაშვილი „მძევლის“ ფაქტორიდან ახლა ბალასტის ფაქტორად გადაიქცა, რომელიც ლევან ხაბეიშვილს საკმაოდ მძიმე ტვირთად ჰყავს ჩამოკიდებული.
„მიხეილ სააკაშვილი პუტინის პატიმარი არ არის, დამნაშავეა. არსებობს ამის კონკრეტული ფაქტები, არანაირი პიჯაკები არ არსებობს. ამ ლოგიკით, თუ ცხრა მილიონის ქურდობაზეა საუბარი, ამას შეიძლება სუბოტექსის საქმე დავარქვათ, ან შვილის განათლების ხარჯები ან ნებისმიერი სხვა რამ, პიჯაკების გარდა. არის კიდევ სადიზმი, რაც ხელისუფლებაში ყოფნის დროს გამოავლინა. მისი ნებისმიერი განცხადება პოპულისტურია და რაღაც პოზიციის შენარჩუნებისკენ მიმართული. მისი მიზანია, არ ჩამორჩეს და გარიყული არ იყოს „ნაციონალური მოძრაობისგან“, რომელიც ხელში სრულად კეზერაშვილმა ჩაიგდო. სააკაშვილს არასოდეს უთქვამს, რომ ის საქართველოს მასშტაბის პოლიტიკოსია, მან თქვა, რომ აღმოსავლეთ ევროპის ვაშინგტონია, მან თავისი თავი ვაშინგტონად და მსოფლიო მოძრაობის ლიდერად შერაცხა. ის თავისი გაგებით იმ პროცესებს უპირისპირდება, სადაც ერთ მხარეს სააკაშვილი და მეორე მხარეს ბოროტებაა. სააკაშვილი ჩავარდნილია ხიბლის ცოდვაში, სწორედ ამიტომ „მძევლის“ ფაქტორიდან ახლა ბალასტის ფაქტორად გადაიქცა, რომელიც ლევან ხაბეიშვილს საკმაოდ მძიმე ტვირთად ჰყავს ჩამოკიდებული“, – განაცხადა გია ვოლსკიმ.
ქართველოს ყოფილმა პრეზიდენტმა მიხეილ სააკაშვილმა 26 ივნისს სოციალურ ქსელში დაწერა: „ახლა, როგორც არასდროს, გვჭირდება, გავაცოცხლოთ და ავაღორძინოთ იმამ შამილის, ბაისანგურის, ჯოხარ დუდაევის და წინააღმდეგობის მილიონობით გმირის სულისკვეთება“.