გვარამია, როგორც ვიცი, გახდა სააკაშვილის ადვოკატი და მასთან შევიდა. აღარ გვინდა ამაზე საუბარი, რადგან ეს ცალკე სიყალბის თეატრია, რომელიც დაიდგა ამ საკითხთან დაკავშირებით, – ამის შესახებ ჟურნალისტებს პარლამენტის თავმჯდომარემ, შალვა პაპუაშვილმა განუცხადა.
„არანაირი კავშირი დეპოლარიზაციასთან პრეზიდენტის გადაწყვეტილებას არ აქვს. ამიტომაც არის, ჩემი აზრით, რომ მათ თავად არც ერთხელ არ უხსენებიათ ეს, მიუხედავად იმისა, რომ ყველა, ვინც პრეზიდენტზე ზეწოლას ახდენდა, შეეწყალებინა. ყველა უცხოელმა აქტორმა ამას გაუსვა ხაზი გადაწყვეტილების შემდეგ, რომ ეს იყო დეპოლარიზაციისკენ გადადგმული ნაბიჯი. აღმოჩნდა, რომ ეს არის უბრალოდ ქართველი საზოგადოებისთვის კიდევ ერთხელ თვალებში ნაცრის შეყრა. ეს არის ცინიზმის მწვერვალი, როდესაც ამ შეწყალებას ამართლებენ, თითქოს ეს არის ნაბიჯი დეპოლარიზაციისთვის. თუ ვინმემ წვლილი შეიტანა ქართული პოლიტიკური ელიტის პოლარიზაციაში, ეს გახლდათ ნიკა გვარამია“, – განმარტა შალვა პაპუაშვილმა.