რუსთაველის თეატრის მსახიობი, პროდიუსერი და პიარ-მენეჯერი ედმონდ მინაშვილი სოციალური ქსელის პირად გვერდზე წერს:
”ახლა შემოვიარე ჩვენს თეატრში, (რუსთაველის თეატრს ვგულისხმობ), წინ ეს წარწერა დამხვდა. რეაქცია მქონდა საშინელი, ძალიან გავბრაზდი, მაგრამ, რამდენიმე წამში დავფიქრდი და… რატომაც არა… რაღაცნაირად მომეწონა ეს საქციელი, ენით აუხსნელი განცდა დამეუფლა – რა ბედნიერებაა როცა ასე უყვარხარ შენს მაყურებლს, როცა ასეთი გულშემატკივარი გყავს, გია ფერაძე ხომ ნამდვილად იმსახურებს ამ სიყვარულს! ხოდა, რატომაც არა! ღმერთმა გაანათლოს მისი სული. (გვიანი ღამე იყო, თეატრში მივედი ჩანთა უნდა ამეღო, 3 საათი და 40 წუთი იქნებოდა, რუსთაველზე კაცის ჭაჭანება არ იყო, ჩემს გარდა და კიდევ იმ ერთის, საღებავის მძაფრი სუნი იდგა, მე დავინახე ის… თეატრის მოპირდაპირე მხარეს, აქეთ კმაყოფილი იყურებოდა, საღებავის ქილა ხელში ეჭირა, მანდილოსანი იყო”, – წერს ედმონდ მინაშვილი.