“აუდიტორია 115“-ის ორგანიზებით ჭავჭავაძის გამზირზე საპროტესტო აქცია მიმდინარეობს. აქციის მონაწილეების თქმით, ისინი ქვეყანაში შექმნილ შრომის პოლიტიკას და სამუშაო ადგილებზე არსებულ ვითარებას აპროტესტებენ.
ამასთან, აქციის მონაწილეები აცხადებენ, რომ გადასახედია შრომის კოდექსი. საპროტესტო აქციაზე იმყოფებიან რუსთავის „აზოტის“ გათავისუფლებული თანამშრომლები. პროფკავშირების წარმომადგენლები, სუპერმარკეტების ქსელ „ფრესკოსა“ და „ბიბლუსის“ რამდენიმე ყოფილი თანამშრომელი.
აქციის მონაწილეთა თქმით, საპროტესტო აქცია, რომელიც ჭავჭავაძის გამზირზე მდებარე „ბიბლუსის“ მაღაზიასთან დაიწყო, თავისუფლების მოედანზე „საქართველოს ბანკის“ ოფისთან დასრულდება.
კომენტარები