„ქართული ოცნების” წევრმა დათო ლორთქიფანიძემ „რეპორტიორის” პრესკლუბში გამართულ ბრიფინგზე საპატრიარქოში მიმდინარე მოვლენებზე ისაუბრა.
„მამა მიქაელ ბოტკოველს ძალიან კარგად ვიცნობ და გუშინ საღამოს მასთან კომუნიკაცია მქონდა. ვთვლი, რომ მისი მსგავსი მღვდელმსახურები არიან ის ადამიანები, რომლებიც მრევლში დადებით ემოციას იწვევენ და ძალიან მნიშვნელოვანი ადამიანები არიან ეკლესიისა და მრევლისათვის. მე გუშინ მასთან საუბარში დავაფიქსირე ჩემი სუბიექტური პოზიცია, რომ ის უნდა დაბრუნდეს თანამდებობაზე.
რაც შეეხება მეუფე პეტრე ცაავას, მე მასაც ძალიან კარგად ვიცნობ. ისეთ განცხადებებს აკეთებს შორენა თეთრუაშვილთან მიმართებაში, ვფიქრობ, რომ ადამიანი შერაცხო დამნაშავედ და სცენარის ავტორად და თქვა, რომ რაც ილია მეორე საქართველოში დაბრუნდა, მას შემდეგ საპატრიარქოს დამნაშავე ქალბატონი განაგებს, ჩემთვის შოკისმომგვრელია. აღელვებული მეჩვენა გუშინ და მინდა ვთქვა, რომ ცოტა თავშეკავება მართებს, იმიტომ, რომ მაღალი იერარქიის წარმომადგენელია, სინოდის წევრია და ამას მრევლი უყურებს”, – განაცხადა დათო ლორთქიფანიძემ.