„იმედის კვირა“ მსჯავრდებულთათვის სამედიცინო დახმარების გაწევის საკითხით დაინტერესდა. გადამღებმა ჯგუფმა ნახა თუ როგორ არის მოწყობილი სამკურნალო კაბინეტები და რამდენად შეესაბამება თანამედროვე სტანდარტებს.
ქვეყანაში არსებული ყველა სახის მაღალკვალიფიციური და მაღალტექნოლოგიური სამედიცინო მომსახურება თავისუფლება აღკვეთილი პირებისთვის უკვე ხელმისაწვდომია.
„ჩვენთან ჯანმრთელობის მართვის სხვადასხვა პროგრამა ეტაპობრივად დაინერგა, მათ შორის C-ჰეპატიტის, აივ ინფექციის მართვა, დეტოქს-პროგრამა, იგივე მეთადონის პროგრამა, თირკმლის ჩანაცვლების თერაპია. ამ პროგრამებს არცერთი მიმართულება არ აკლდება, ყოველ წელს ემატება. ყველაფერი უფრო მეტად ორიენტირებულია პენიტენციურ დაწესებულებაში მოთავსებული თითოეული პირის ჯანმრთელობის გაუმჯობესებაზე“, – განაცხადა სპეციალური პენიტენციური სამსახურის ხელმძღვანელმა ნიკა ცხვარაშვილმა.