როგორ შეიძლება ჩვენ ძვირფას ადმაიანზე, პატრიარქზე მკრეხელურ განცხადების გაკეთება, – ამის შესახებ პარტია „ქართული ოცნების“ თავმჯდომარემ, ირაკლი ღარიბაშვილმა განაცხადა.
ირაკლი ღარიბაშვილს კითხვა დაუსვეს საქართველოს პრეზიდენტის, სალომე ზურაბიშვილის ლონდონში, Chatham House-ის მიერ ორგანიზებულ ღონისძიებაზე გაკეთებულ განცხადებაზე, სადაც საქართველოს ეკლესიის როლის შესახებ დასმულ კითხვაზე საპასუხოდ აღნიშნა: „ეკლესიასთან დაკავშირებით კომპლექსური ვითარებაა, ერთ-ერთი მიზეზია პატრიარქის სისუსტე. ვიმედოვნებ, ეკლესია შეძლებს, აირჩიოს პროქართველი, პროევროპელი და არა პრორუსი პატრიარქი“.
როგორც ღარიბაშვილმა აღნიშნა, სალომე ზურაბიშვილმა თავის სახე წარმოაჩინა.
„როგორ შეიძლება, ჩვენს ძვირფას ადამიანზე, პატრიარქზე რომ ასეთ მკრეხელურ განცხადებას გააკეთებს ადქმიანი და მით უმეტეს ვინ, პრეზიდენტი, აქ საქმე გვაქვს დიდ ანტიქართულ მოვლენასთან, ეს არის შეტევა პატრიარქზე ეკლესიაზე, ეს თავად სალომე ზურაბიშვილის სახეს წარმოადგენს. ნიღაბი, რაც მას ჰქონდა მთელი ამ პერიოდში, ის არის ჩამოხსნილი“, – განაცხადა ღარიბაშვილმა.