თვის ბოლომდე საქართველოში არამდგრადი ამინდია მოსალოდნელი.
26-27 თებერვალს დასავლეთ საქართველოს დაბლობში დღისით ჰაერის მაქსიმალური ტემპერატურა 9-11 გრადუსი იქნება, აღმოსავლეთ საქართველოს ბარში კი 11-13 გრადუსი. ქვეყნის ზოგიერთ რაიონში გაძლიერდება დასავლეთის მიმართულების ქარი. მაღალმთიან რაიონებში ქარბუქია მოსალოდნელი.
თბილისში დღეს უნალექო ამინდი იქნება. დღისით დროგამოშვებით ქარი გაძლიერდება. ჰაერის მაქსიმალური ტემპერატურა 9-11 გრადუსია მოსალოდნელი.
27-28 თებერვალს აღმოსავლეთ საქართველოს ბარში, შიდა და ქვემო ქართლში, შესაძლებელია ყინვა – 0;-5 გრადუსი. მთიან და მაღალმთიან რაიონებში კი -10-15 გრადუსი იქნება.
28 თებერვალს საქართველოში კვლავ გამოიდარებს. დღისით ჰაერის მაქსიმალური ტემპერატურა ბარში 13-18 გრადუსი იქნება.
28 თებერვალს თბილისში გამოიდარებს და დღისით ჰაერის მაქსიმალური ტემპერატურა 15 გრადუსი იქნება.