თავი რომ გადაირჩინოს ფირმამ ქირაობს ლობისტს, ეს ჩვეულებრივი აპრობირებული პრაქტიკაა, – ამის შესახებ „სტრატეგია აღმაშენებლის“ გენერალურმა მდივანმა პაატა მანჯგალაძემ განაცხადა.
„დავა მიდის ტელეკომპანია „ფორმულას“ მფლობელებთან ამ ტელეკომპანიასთან დაკავშირებით. ბუნებრივია, თავი რომ გადაირჩინოს ფირმამ, ქირაობს ლობისტს. ეს ჩვეულებრივი აპრობირებული პრაქტიკაა“, – აღნიშნა მანჯგალაძემ.
აშშ-ის იუსტიციის დეპარტამენტის ვებ-გვერდზე ტელეკომპანია „ფორმულას“ მიერ დაქირავებული ლობისტური კომპანიის Cornerstone Government Affairs-ის გასული 6 თვის განმავლობაში (სექტემბერი 2023 – თებერვალი 2024) განხორციელებული საქმიანობის შესახებ ინფორმაცია გამოქვეყნდა. დოკუმენტებით ირკვევა, რომ „კორნერსტოუნის“ ჯგუფი, რომელმაც ტელეკომპანია „ფორმულასთან“ კონტრაქტი 2023 წლის მაისში გააფორმა, აქტიურად ცდილობდა საქართველოში მიმდინარე მოვლენების შესახებ მიკერძოებული ინფორმაციის მიწოდებას აშშ-ის კონგრესის წარმომადგენლებისთვის.