„მგონია, რომ საერთოდ კოალიციურ მმართველობაზე საუბარი, რომელიც, მათ შორის, პრეზიდენტმა წამოიწყო, რომელიც არის რადიკალების პრეზიდენტი, ამ ხელმოცარულების და რადიკალურების ერთგვარი მესიჯბოქსია, საზოგადოება დაარწმუნონ, რომ აი, კოალიციური მთავრობა მოდის. სიცრუეა ეს, ტყუილია”, – ამის შესახებ მმართველი გუნდის წევრმა, ირაკლი ზარქუამ განაცხადა.
მისივე თქმით, ქვეყანას “ნაცებთან” კოალიციური მმართველობა არ ემუქრება.
“ყველა კვლევაში ცალსახად წერია, რომ დიახ, “ქართულ ოცნებას” აქვს მყარი უმრავლესობის მონაცემები ისე, რომ ჯერ არც დაგვიწყია წინასაარჩევნო კამპანია. ჩვენს ქვეყანას არ ემუქრება მწვალებლებთან, “ნაცებთან”, “ნეონაცებთან” და აი, ამ წარმომადგენლობებთან კოალიციური მმართველობა. ეს ტყუილია, შეცდომაში არავინ შეგიყვანოთ. მათ ახლა უბრალოდ კონკურენცია აქვთ გამოცხადებული ერთმანეთში, ვერ ჩამოყალიბდნენ, სია როგორ გააკეთონ. იყო მცდელობა, რომ ერთიანი ბაზა შეექმნათ სიების, მაგრამ ყველა ამბიციურია. ყველას რომ ჰკითხო, გადამრჩენელია ამ ქვეყნის, დაწყებული „მუსტანგერების“ მიმდევრებით, გაგრძელებული “ნეონაცებით”, ანუ მელია, გვარამია და ა.შ. და კიდევ ჩახდილები, რომელიც არის გიჟი ჯაფარიძე და მისი „პადრუშკა“ ხოშტარია, რომლის ოჯახიც დღემდე რუსეთიდან ფინანსდება”, – განაცხადა ზარქუამ.