სოფელ ხოვლეს ტყეში 49 წლის მამაკაცის ცხედარი იპოვეს. გარდაცვლილი ტყის მცველი იყო და ის სახლიდან მიმდინარე წლის 25 თებერვალს გავიდა, მას შემდეგ რაც სოფელში მისი კუთვნილი ცხენი მარტო დაბრუნდა.
ოჯახის წევრებმა დახმარებისთვის სამართალდამცველებს მიმართეს. რამდენიმესაათიანი ძებნის შემდეგ, ყურაშვილი სოფლის ტყეში გარდაცვლილი იპოვეს. მისი სხეული უკვე ცხოველებისგან იყო დაზიანებული. ოჯახის წევრები მკვლელობის ვერსიაზე საუბრობენ და ამბობენ, რომ ყურაშვილს თავში ბლაგვი საგნით ჰქონდა მიყენებული ჭრილობა.
შინაგან საქმეთა სამინისტროში აცხადებენ, რომ გარდაცვალების მიზეზის დასადგენად, დანიშნულია შესაბამისი ექსპერტიზა.
გამოძიება სსკ-ის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს.
www.1tv.ge
კომენტარები