“მიხეილ სააკაშვილმა იცის პარტიების რეიტინგი და წამოსცდა, რომ ოპოზიციიდან მხოლოდ „ნაციონალური მოძრაობა“ ლახავს ბარიერს”

მიხეილ სააკაშვილმა იცის პარტიების რეიტინგი და წამოსცდა, მეც ვუდასტურებ ამას, – ამის შესახებ პარტია „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა მამუკა მდინარაძემ განაცხადა.

მისივე თქმით, რეიტინგებით მართლაც მხოლოდ „ნაციონალური მოძრაობა“ ლახავს საარჩევნო ბარიერს.

„ხანდახან მიხეილ სააკაშვილიც კი სიმართლეს ამბობს ხოლმე. ეს მისი მოსაზრებები კი არ არის. იცის პარტიების რეიტინგი, წინ უდევს და წამოსცდა. ჩვენც გვაქვს ეს რეიტინგები და შემიძლია დავუდასტურო ნათქვამი. რა დრო დადგა, სააკაშვილს ვუდასტურებ რაღაცებს, მაგრამ რეიტინგებში მართლა ასეა. წამოსცდა იმ ადამიანს, რომ ამ რეიტინგებით ოპოზიციიდან მხოლოდ „ნაციონალური მოძრაობა“ ლახავს ბარიერს. სხვა პარტიებს არ აქვთ გამარჯვების შანსი იმიტომ, რომ 4 პროცენტზეც ვერ არიან. არცერთ პარტიას არ აქვს მინიმალური შანსიც კი, რომ ბარიერი გადალახოს. წაიკითხა იმ კაცმა ეტყობა ეს რეიტინგები და წამოსცდა პირდაპირ ეთერში“,- აღნიშნა მამუკა მდინარაძემ.