პოლონეთმა თანამდებობიდან გაათავისუფლა ევროპის სწრაფი რეაგირების სამხედრო ქვედანაყოფის, ევროკორპუსის (Eurocorps) პოლონელი მეთაური, გენერალი იაროსლავ გრომაძინსკი მას შემდეგ, რაც სამხედრო კონტრდაზვერვამ მასთან დაკავშირებით გამოძიება დაიწყო. ინფორმაციას ამის შესახებ სააგენტო Reuters-ი ავრცელებს.
„[პოლონეთის] სამხედრო კონტრდაზვერვის სამსახურმა ახალი ინფორმაციის მიღების საფუძველზე გენერალ-ლეიტენანტ იაროსლავ გრომაძინსკის მიმართ გამოძიება დაიწყო. ამასთან დაკავშირებით მიღებულია გადაწყვეტილება გენერალ-ლეიტენანტ გრომაძინსკის ევროკორპუსის მეთაურის თანამდებობიდან გათავისუფლების შესახებ“, – აღნიშნულია პოლონეთის თავდაცვის უწყების განცხადებაში.
ევროკორპუსი შეიქმნა 1993 წელს საფრანგეთისა და გერმანიის მიერ. მოგვიანებით ორგანიზაციას შეუერთდნენ ბელგია, ესპანეთი და ლუქსემბურგი, ხოლო 2022 წელს პოლონეთი. ასოცირებული წევრების სტატუსი აქვთ ასევე საბერძნეთს, იტალიას, რუმინეთს, ავსტრიასა და თურქეთს.